Загадки (Нӧдкывъяс)


Сытöг эськö эз вöв олöм,
Быд лун миян ордö волö.
Рытнас вöртас сайö водö,
Садьмö медводз зарни …
Ответ


Уджала ме лун и вой,
Кöть ог юлы и ог сёй.
Кодыр ковмас тöдны кад,
Висьтавны ме тэныд рад.
Ответ


Кык кокыд дженьыд,
Чирк моз чеччалан,
Котöртны он куж,
Бöжыд быттьö понпуш.
Ответ


Ок и нырыса жö ме,
Ассьым ордым корся.
Кодыр босьтан киад тэ,
Аслам рöмöн ворса.
Ответ


Варгыль кока.
Шоныд пася.
Парма-ягын тапикасьö.
Лэчыд гыжъя-
Пуö кайö.
Тöвнас узьö.
Кодi тайö?
Ответ


Менö ставыс
Виччысьöны, корöны,
А кор локта -
Ставыс дзебсьöны,
Пышйöны.
Ответ


Вöрын керка кыптöма,
Пурттöг-чертöг вöчöма.
Кöть и öдзöстöм — он пыр,
Олысь сэнi пуö тыр,
Öта-мöдыныслы бур ёртъяс,
Кодi тайö?
Ответ


Кöть и курыд, уна бурыс,
Турун быдмö сылöн юрас,
Курччан — синва петас друг,
Тайö дерт жö лоö
Ответ


Зэрöм бöрын енэжтасöдз
Öшйö джынъя мича асык.
Сизим рöма ыджыд кöшöн
Васö юö
Ответ


Киöн вöчтöм
Ичöт бöчка.
Пытшкас сёянтор
Кык рöма,
Весиг абу сорласьöма.
Ответ



Первöй чарла,
Сэсся мöлöт.
Сöчöн бöрас
Чарла вöчас.
Ответ


Шондi петалö кöть оз,
Дзик пыр пемыд миян поз,
Но ми ог и ёна шогсьöй,
Олам чöла ми, ог ноксьöй,
Тöдам: öдзöс кодкö восьтас,
Шоныд кекöньясас босьтас.
Ответ



Журнал. Би кинь. - 2003.№5