Рассказы (Висьтъяс)

Юсьяс да дзодзöгъяс.

 

Таня кутiс кывзыны. Кöнкö вылын-вылын кылiсны нюжйöдлана шыяс. Дед шуис: «Море сайсянь юсьяс гортаныс лэбöны. Найö татчö оз пуксьыны. Налöн гортныс войвылынджык. Сэнi уна нюръяс, тыяс. Сэнi найö и поздысьöны»

Юсьяс лэбисны водзö. Сэки йöрысь петiсны дзодзöгъяс, сувтicны улича шöрö, лэптicны юръяснысö да ланьтicны.

«Видзöдлы, дед, - шуис Таня, - миян дзодзöгъясным кывзöны жö юсьяссö. Кöть эськö мед оз жö лэбзьыны войвылö».

Но дзодзöгъяс эз нин вермыны кыпöдчыны. Найö горзыштiсны да катласигтырйи мöдöдчисны улича кузя.

 

Л. Воронкова серти.


 

Бур ёрт.

 

Петялöн эм кык ёрт – Вася и Серёжа. Найö велöдчöны нёльöд классын.

Урок помын велöдысь сетiс налы гортса удж: лыддьыны висьт да артавны пример.

Гортын Петя лыддис висьтсö, а примерсö эз артав. Аски асывнас сiйö локтic школаö да корис ёртъяссö отсавны сылы. Вася сетic Петялы тетрадьсö да шуис:

- На, гиж. Менам ставыс стöч.

А Серёжа шуис:

- Эн гиж, Петя. Ме тэныд гöгöрвоöда, а тэ сэсся ачыд арталан.

 

М.Безносиков серти


 

Уджысь оз ков повны.

 

Талун шойччан лун. Бать-мам гортынöсь. Бать-мам уджалöны. Мам вурсьö. Мам вурö меным гач. Бать вöчö джадж.

- Тэ мыйла нинöм он вöч? – юалö бать. – Киськав дзоридзьяссö.

- Ме киськала, да ваыс тшöтш джоджö киссьö.

- Нинöм, нинöм, - шуö бать. – Уджысь оз ков повны. Быд удж мыйöкö велöдö.

 

Журналысь.


 

Тöв да гожöм.

 

Федя радейтö тöв, а ме гожöм. Гожöмнад медся лöсьыд да гажа: шондi, быдлаын дзоридзьяс.

- Тöвнад ещö бурджык, - шуö Федя, - хоккейöн позьö ворсны, лыжиöн иславны.

- Тöвнад оз позь купайтчыны ни гожъявны.

- Гожöмнад сэтшöм жар, мый лымйыс абу, шуö Федя.

Вот тадзи ми и вензям. Федя – бур лыжник, а ме бур вартчысь. Арбыд вензим. А тöвнас Федя менö велöдic котравны лыжи вылын. И тöлыс лои меным муса. А гожöмнас ме сiйöс велöда вартчыны, мед и сiйö кутас радейтны гожöмсö.

 

Ю.Ермаков серти.

 

 

Жугöдöм тасьтi.

 

Надя велöдчис нёльöд классын, а Маша чойыс эз на велöдчы. Мамыс тшöктiс Надялы мыськавны тасьтi-пань. Но нывкаяс корисны Надяöс ворсны. Машалы ковмис мыськавны тасьтi-паньсö. Мыськалöм бöрас сiйö чышкалiс тасьтiяссö. Öти тасьтi мынi кисьыс, уси да жугалi.

Мамыс локтiс гортас. Нывкаяс ворсiсны ывлаын. Чистöй пöсуда вöлi пызан вылын. Пырис гортас Надя, а сэсся Маша. Мам ошкыштiс Надяöс. Но Надя гöрдöдiс, да висьталiс, мый тасьтi-паньсö эз сiйö мыськав. Маша висьталiс мамыслы жугöдöм тасьтi йылысь да бöрддзис. Нывкаяс эз ылöдлыны мамсö.

 

 

 

 

Лыско.

 

Лыско пон вöлi сувтса пельяса, крукыля бöжа, смоль сьöд гöна.

Тэрыб кокъяса тöлка пон лунтыр ризъялас, а зверь-пöткасö корсяс. Унаысь мездылiс сiйö ассьыс кöзяинсö лэчыд гыжъя вöрканьысь.

Лыско радейтiс ветлöдлыны кöзяиныскöд вöртi. Казялас сылысь вöрö лöсьöдчöмсö да заводитас öвтчыны бöжнас, чеччавны сылы морöсас.

Мöдöдчасны пармаö. Лыско котöртö водзын да частö бергöдчывлö, эз-ö кольччы кöзяиныс ылö.

И.Коданёв серти

 

 

 

 

Двойка

 

Школа йöрысь частö позьö вöлi аддзыны понйöс. Нимыс сылöн Двойка. Мыйла понйыслы сетöмаöсь татшöм ним , некод эз тöд. Сöмын ставыс тöдiсны, мый понсö эз радейтны челядь.

Двойкасö челядь лыйлiсны изйöн, нöйтiсны. А сiйö эргис.

Öтчыд велöдысь петiс школаысь да аддзис тайöс. Сiйö шыасис челядь дiнö:

- Позьö öмöй нöйтны понсö сöмын сы вöсна, мый сылöн нимыс двойка?

Челядь ланьтiсны. Налы лои яндзим. Недыр мысти найö матыстчисны Двойка дiнö да кутiсны сiйöс вердны. Регыд челядь казялiсны, мый понйыс вöлöма зэв шань да тöлка.

 

Кыввор:

Яндзим — стыдно

Недыр мысти — через некоторое время

 

 

 

Жугöдöм тасьтi.

 

Надя велöдчис нёльöд классын, а Маша чойыс эз на велöдчы. Мамыс тшöктiс Надялы мыськавны тасьтi-пань. Но нывкаяс корисны Надяöс ворсны. Машалы ковмис мыськавны тасьтi-паньсö. Мыськалöм бöрас сiйö чышкалiс тасьтiяссö. Öти тасьтi мынi кисьыс, уси да жугалi.

Мамыс локтiс гортас. Нывкаяс ворсiсны ывлаын. Чистöй пöсуда вöлi пызан вылын. Пырис гортас Надя, а сэсся Маша. Мам ошкыштiс Надяöс. Но Надя гöрдöдiс, да висьталiс, мый тасьтi-паньсö эз сiйö мыськав. Маша висьталiс мамыслы жугöдöм тасьтi йылысь да бöрддзис. Нывкаяс эз ылöдлыны мамсö.

 

 

 

 

Лыско.

 

Лыско пон вöлi сувтса пельяса, крукыля бöжа, смоль сьöд гöна.

Тэрыб кокъяса тöлка пон лунтыр ризъялас, а зверь-пöткасö корсяс. Унаысь мездылiс сiйö ассьыс кöзяинсö лэчыд гыжъя вöрканьысь.

Лыско радейтiс ветлöдлыны кöзяиныскöд вöртi. Казялас сылысь вöрö лöсьöдчöмсö да заводитас öвтчыны бöжнас, чеччавны сылы морöсас.

Мöдöдчасны пармаö. Лыско котöртö водзын да частö бергöдчывлö, эз-ö кольччы кöзяиныс ылö.

И.Коданёв серти

 

 

 

 

Двойка

 

Школа йöрысь частö позьö вöлi аддзыны понйöс. Нимыс сылöн Двойка. Мыйла понйыслы сетöмаöсь татшöм ним , некод эз тöд. Сöмын ставыс тöдiсны, мый понсö эз радейтны челядь.

Двойкасö челядь лыйлiсны изйöн, нöйтiсны. А сiйö эргис.

Öтчыд велöдысь петiс школаысь да аддзис тайöс. Сiйö шыасис челядь дiнö:

  • Позьö öмöй нöйтны понсö сöмын сы вöсна, мый сылöн нимыс

Двойка?

Челядь ланьтiсны. Налы лои яндзим. Недыр мысти найö матыстчисны Двойка дiнö да кутiсны сiйöс вердны. Регыд челядь казялiсны, мый понйыс вöлöма зэв шань да тöлка.

 

Кыввор:

Яндзим — стыдно

Недыр мысти — через некоторое время